ගැටඹේ පන්සල පසුවෙද්දී
හුනස්නෙන් නුඹ නැගිටිද්දී
ඉල්ලුවාදැයි එකම පැතුමක්
වැඩ සිටින බෝ සමිඳුගෙන්
මීට තුන් මාසෙකට ඉස්සර
පුවක් ගසකින් ගොඩැල්ලේ
බිමට පතබෑවෙච්චි හිමි සදු
ඇදක් උඩ මහ රෝහලේ
තාම උන්දැට සිහිය නැති එක
දන්නවා නුඹෙ හිතට වද බව
මහන්සිය ගැන හිතන්නැතිවම
එන්නෙ නුඹ කෑගල්ලෙ ඉදලම
දිවිය මරණය අතර සටනක
හිමි ඉන්නවා සිහිය නැතිවම
ඒක හින්දද හුස්ම ඔහුගේ
බාර දුන්නේ බෝ සමිඳුන්ට
-සගා-
01/10/2018