ලෝකෙම දිනුවා කියලා හිතුනද බං
හොයාපු සැනසුම ලැබුනා හිතුනද බං
ජීවිතේම ඒකිද කියලා දැනුනද බං
මටත් ඉස්සරම ඔහොමම හිතුනා බං

හංගපු දේවල් උඹටත් තිබ්බද බං
ඒගැන කියන්න මම නම් දන්නෑ බං
තේරෙයි කල්‍ යයි මොනව කරන්නද බං
එතකොට පරක්කු කියලා හිතේවි බං

හිටියා එකටම පස් අවුරුද්දක් බං
සිදුවුන දේවල් කියල වැඩක් නෑ බං
මොනව වුනත් එක දෙයක් කියන්නම් බං
කොල්ලෙක් හින්දා උඹ නම් හෙන පව් බං

-සගා-
14/08/2018

 

Advertisements

Quote  —  Posted: August 16, 2018 in Uncategorized

 

ටියුෂන් ගුරුවරයෙකු සිසුවියක ලැගුම්හලකට රැගෙන ගොස් අපයෝජනයට ලක්කර ඇගේ ඡායාරූප අන්තර්ජාලයට මුදාහරියි.
-පුවතක්-

හිතුවෙනෑ
මේතරම්
පිරිහිලා ඇතිබවක්
මූසිල පරපුර…

-සගා-
28/07/2018

Quote  —  Posted: August 10, 2018 in Uncategorized

වන අලියෙකු පහරදීමෙන් මියගිය සිය පියාගේ දේහයට දණ නමා වැද දියනියක් ශිෂ්‍යත්ව විභාගය ලිවීමට පිටත්වෙයි.
-පුවතක්-

 

කුඹුරට ගියේ වක්කඩ බැදලා එන්න
හිතුවේ නෑ වෙයි කියා මේ වැනි විපත්තිය
තනියා හිටියෙ ගුරු පාරේ එක් කොනක
කරගන්නට දෙයක් තිබුනේ නෑ මෙමට

දෝනිගෙ පහේ ශිෂ්‍යත්වය අනිද්දා
නැතිබැරි වුනත් ඒකී හරි උනන්දුවා
දවසක ලොව දිනන වග මා දැන උන්නා
ඒ හීනය තනියා පොඩිකර දැම්මා

මම නැති දුකින් වැලපෙන්නට එපා නුඹ
පුංචි උනත් උඹෙ සිත දැඩි කරගන්න
සාලේ නිදා ඉන්නා මට සමුදෙන්න
පලයන් දුවේ මුල් කඩයිම ජයගන්න

-සගා-
07/08/2016

Quote  —  Posted: August 7, 2018 in Uncategorized

 

ගේදොරකඩ අඹ අත්තේ
වැස්සට තෙමෙනා දෙමලිච්චී
තාමත් තෙමෙමින් උඹ ඉන්නේ
ගෙයි දොර උඹටත් ඇරේවි කියලද
කාහරි අඩගසාවි කියලද දෙමලිච්චී

නොලැබෙන දේවල් ගැන තව හිතලා
මොකට තෙමෙනවද දෙමලිච්චී
උඹ වාගෙම වැස්සට තෙමෙනා
දෙමලිච්චෙක් අත්තක වහලා ඇති
හනිකට හොයලා ඉගිලීයන්
වැස්සට තෙමෙනා දෙමලිච්චී

-සගා-
01/08/2018

Quote  —  Posted: August 2, 2018 in Uncategorized

 

මෙය මාගේ මව ගැන නොවේ. එය මා ඔබට මුලින්ම පැවසිය යුතුය.
එක්තරා දිනයක මාගේ මිතුරෙකුගේ නිවසට ගොඩවු විට ඔහුගේ මවගේ හැසිරීම මා නෙත ගැටුනේ අහම්බයෙනි.
සමාජයේ කිසිවෙකුගෙන් කතාවක් නොඇසෙන පරිදි ඇය තම දරුවන් තිදෙනා උස්මහත් කර රටට වැඩදායි පුද්ගලයින් බවට පත්කොට තිබේ.දීග ගොස් ගම රට අතහැර කොළඹ පදිංචියට පැමිණි තම දරුවන් නැති පාලුව ඇයට දැනෙනු ඇතැයි මට හැගිනි.එහෙත් නිවාඩුවකට මහගෙදරට එන දරුවන් සතුටින් පිලිගෙන ඔවුන් පිටත්ව යනතුරු ඔවුන්ට ආදරයෙන් සලකනවා මම දුටිමි. ඒවා කවිපද බවට හරවන්නට දින කිහිපයක් ගතවිය.
කියවා රස විදින්න.ගුණ දොස් ගෙනහැර දක්වන්න.
අද සමාජයේ සියලුම අම්මවරුන් මැය වාගේ කියා විටෙක මට සිතෙයි.

 

 

මිණිකැට වගේ දරුවන් තිදෙනෙක් හදලා
ඇස් දෙක වගේ ආදරයෙන් ලොකු කරලා
උන් අද සිටින තැන් දැක හද තුටු වීලා
සතුටට ඇහැට කඳුලැලි ඉනුවද අම්මා

කැදැල්ල අතැර පියඹා යන පැට්ව් මෙනේ
දරුවන් දීග ගොස් ඇත අද සිදාදියේ
වෙනදා නැති දුකින් හිත බර විලාසෙනේ
ඇත්තට මූන දෙමු ඔහොමයි සසර අනේ

නිවාඩුවට ආවම දරුවන් ගෙදර
සලකනවා තාම උන් පොඩි සිතාගෙන
මහමෙර උසට තියෙනා දරු සෙනෙහසට
තව උපමා මොටද අම්මේ නුඹ මිසක

පිටවී යන්න දරුවන් දැන් සැරසෙන්නේ
දුක හංගගෙන ආශිර්වාදය දෙන්නේ
කඩුල්ල ලගට ගොස් පෙරමග බලමින්නේ
සෙත්කවි කියා දරුවන් හට සමුදෙන්නේ

දරුවන් ගැනම සිතලා ඇති වෙන්නැද්ද
යන තැනකට යමක් නුඹ කරගන්නැද්ද
පමා නොවී හනිකට ධෛර්යය ගන්න
ඉක්මනටම මේ සසරෙන් ගොඩ යන්න

-සගා-
25/07/2018

Quote  —  Posted: July 25, 2018 in Uncategorized

මේ සිතුවිලි මා හට පහල වූයේ පසුගිය දිනක නාවලපිටියේ සිට කොළඹ බලා දුම්රියෙන් පැමිනෙමින් සිටියදීය.කඩුගන්නාව සහ බලන අතර පොඩිමැණිකේ ඉදිරියට ඇදෙද්දී වම්පසින් උතුවන්කන්ද පැරණි අතීතය තුරුලු කරගෙන තේජාන්විතව ඉන්නා සෙයක් මට හැගිනි.
හිතට නැගුන සිතුවිලි අකුරු කරන්නට දින කිහිපයක් ගතවිය.කාර්‍යබහුලත්වයද, අමතකවීමදැයි මට නොවැටහේ. තවමත් කවි ලෝකයට සුහුඹුලෙක් වන මාගේ කවිපද ඔබට රසවිදීමට හැකිදැයි මම නොදනිමි.එහෙත් හිතට නැගෙන සිතුවිලි අකුරු කිරීම ඒවා සිතේ තබාගෙන සිටිනවාට වඩා සුදුසු යැයි මට හැගේ.

හටන් කොරලා බැරිම තැන
පර සුද්දන්ගෙ විලංගු වැටුනට
මම්මලේ…
තාම උතුවන්කන්ද පාමුල
බලාගෙන ඇති බං මේනකා

නඩුත් අහලා අච්චු කරලා
කොල නැති ගහට අපි දක්කයි ලගදීම
ඒත් උතුවන්කන්ද පාමුල
බලාපොරොත්තුව හිත තියාගෙන
මම්මලේ …
බලාගෙන ඇති බං මේනකා…

සගා
20/07/2018

වැරදීම

Posted: July 12, 2018 in Uncategorized

 

 

සුළඟ නුඹ වගේ
කිව්වෙ ඉස්සර
සුළඟ ගියෙ සුවද අරගෙන
නුඹ ගියේ මලේ පෙතිත් අරගෙන

අහස නුඹ වගේ
කිව්වෙ ඉස්සර
අහස කලු වෙලා වැස්ස වැටුනට
නුඹ ගියේ කලු වලා ඉතිරි කර සදහටම

ගලන දොල නුඹ වගේ
කිව්වෙ ඉස්සර
දොල ගලාගෙන ගියේ පාඩුවේ නිසොල්මන
නුඹ ගලාගෙන ගියේ දෙපස ගස් මුල් එක්ක

තාම හරියට අකුරු ගලපන්න
බැරි නිසා මගෙ පෑනට
ඒදවස්වල වැරදුනාවත්ද මට ?……

-සගා-
12/07/2018